九龙湾小朋友话事孩子市集 创意环保小游戏+手作@Miss S

最后编辑于 2020-06-16
509 45 674
(Presented by Telford Plaza)

市集唔一定只係文青嘅主场,小朋友一样可以话事!今个复活节(4月19日至22日)就有个充满活力、创意嘅孩子市集喺九龙湾德福广场进行。 最特别之处係,档主们全部都係精力充沛又精灵嘅细路仔,到时有游戏、有工作坊、亦有创意手作品买,卖嘅嘢一啲都唔小学鸡!啱哂一班复活节无得出国旅行嘅家长带埋屋企班细路去玩!就算无小朋友都可以去现场同班小档主倾下计、支持佢哋~

由构思到製作完全由小朋友话事!

今次德福广场同亲子社企ohmykids举办嘅「孩子市集」﹐由策划、流程、製作及一切即场难题都交由小朋友处理,家长都要企埋一边!小朋友仲要以「升级再造」(Upcycling)为主题,动动脑筋如何把身边「废物」复活变成手作仔或小游戏,真係少啲心机同创意都唔得!

九龙湾小朋友话事孩子市集 创意环保小游戏+手作@Miss S
以住的孩子市集都吸引了很多人去参加,好热闹!
创作力量同幻想会吓你一跳!

市集每日会有10组小朋友开档,摊位内容包罗万有,当中会有小档主会教你如何将旧T-shirt 变成购物袋;有摊档卖以胶樽盖升级而成嘅得意帽子髮夹;甚至有人会教你用厕纸筒製作一架「零排放」超级跑車,再同场battle,整完仲有得玩!个个都落足心思,大家绝对唔可以睇小细路仔嘅创意同执行能力!

九龙湾小朋友话事孩子市集 创意环保小游戏+手作@Miss S
每次举行小朋友都玩得好开心,市集的气氛都好好~
5大精选摊档1. TigerLand

小档主Tiger已经係第3次参加﹐由以前怕与陌生人说话,到宜家会主动去揾客人推销自己嘅作品。今次佢就会为大家带嚟「能量襟章」、「怪兽复活蛋」、「变变变小怪兽」同「能量瓶」,到底係咩嚟?Tiger话要卖吓关子先,叫大家到时嚟探佢!

九龙湾小朋友话事孩子市集 创意环保小游戏+手作@Miss S
Tiger已经是经验丰富的小档主,今次又有新搞作!
2. 凌柔小手大作

呢两个得意妹妹就亲手创作出唔同嘅小饰品,今次就以『树』、『叶葉』、『花』和『环保』为主题,仲特登收集咗大量胶樽盖去整帽子髮夹,咁有心思,一定要去帮衬啦。

九龙湾小朋友话事孩子市集 创意环保小游戏+手作@Miss S
两位小档主人仔细细已经识自己动手做小饰物!
3. 狂野时速

小档主会教你用厕纸筒创作一架零排放超级跑車,完成后仲可以喺佢自製嘅赛道比赛!家长们记得预留多啲时间喺呢度啦~

九龙湾小朋友话事孩子市集 创意环保小游戏+手作@Miss S
呢位小档主嘅手工好厉害!
九龙湾小朋友话事孩子市集 创意环保小游戏+手作@Miss S
整完车仔仲可以即场「斗车」!
4. 童你玩

你无眼花!小档主连弹珠机都DIY!玩嬴仲有奖品攞!

九龙湾小朋友话事孩子市集 创意环保小游戏+手作@Miss S
齐齐玩经典小游戏赢奖品~
5. 一妍猪式会社

小朋友可以亲手以丝印製作独一无二环保袋!

九龙湾小朋友话事孩子市集 创意环保小游戏+手作@Miss S
快啲去製作靓靓丝印环保袋啦~
同场加映:「熊仔慈善领养计划」、「鸡蛋灯工作坊」

市集内另设有2个档摊「熊仔慈善领养计划」及「鸡蛋灯工作坊」,将以往商场布置物资循环再用!现场会有义工教导小朋友清洁屋企嘅毛公仔,完成后仲可以HK$100-300「领养」一只熊啤啤。而「鸡蛋灯工作坊」则有手工艺导师教授小朋友发挥创意,以拼贴方式重新打造一盏专属嘅鸡蛋灯,仲会教你点样「照鸡蛋」。两个活动嘅收益连埋各位小档主嘅一半收入,都会全数拨捐予国际培幼会,有得玩又有得做善事,千祈唔好错过啦~

九龙湾小朋友话事孩子市集 创意环保小游戏+手作@Miss S
齐齐改造鸡蛋灯,带返屋企做布置又得,放个新电灯胆入去用都得!
九龙湾小朋友话事孩子市集 创意环保小游戏+手作@Miss S
带埋小朋友去清洁小熊,再领养佢哋返屋企啦!

德福广场复活节「孩子市集」日期:至22日时间:1pm-6pm地点:德福广场1期地下中央展场 (港铁九龙湾站C出口)



上一篇: 下一篇:
你可能还喜欢以下内容